Norske hushaldningar kasta i snitt 411 kilo avfall per innbyggjar i fjor
Noreg: I fylgje Kommunal rapport låg den samla mengda hushaldningsavfall på 2 190 000 tonn i Noreg i fjor. Det er ein nedgang på 3,5 prosent frå året før.
Medan det per innbyggjar blei kasta 411 kilo avfall i fjor, var talet oppe på toppnivået 441 kilo i 2014.
Meir avfall enn tidlegare blei i fjor levert til materialgjenvinning. Det blei i alt levert 890 000 tonn avfall til materialgjenvinning i 2018, og 880 000 tonn året før.
Artikkelen held fram under annonsen.
Tala utgjer høvevis 41 og 39 prosent av samla mengde hushaldningsavfall dei to åra.
Blanda restfall utgjer 42 prosent av hushaldningsavfallet i 2018 – den klart største avfallstypen.
Andre store mengder er utsortert treavfall (13 prosent), papp (11 prosent), matavfall (9 prosent) og hageavfall (7 prosent).
Medan veksten i avfallsmengda i hushaldninga har stoppa opp og dels gått noko ned dei siste åra, har auken i forbruket fortsett, melder Kommunal rapport.
