Noregs Bank trassar omikron – aukar renta til 0,5 prosent

Styringsrenta blir sett opp med 0,25 prosentpoeng til 0,5 prosent. Avgjerda var einstemmig.

Tilstanden til norsk økonomi er solid – vi har vore i ein lang periode med sterk vekst, arbeidsmarknaden er tilnærma normalisert og kapasitetsutnyttinga blir anslått å vere over normalnivå. Det trekkjer renta oppover, som signalisert tidlegare.

– Det er stor uvisse om det vidare forløpet for pandemien og verknadene på økonomien. Men blir den økonomiske utviklinga om lag slik vi no ser for oss, vil renta mest sannsynleg bli sett vidare opp i mars, seier sentralbanksjef Øystein Olsen.