Manglar tilsette – må stenge barnehagen

Kommunalsjef for oppvekst, kultur og idrett i Tokke kommune, Tone Lunde Skaalen, fortel at dei har hatt totalt 235 prosent stilling i barnehagen. Stillingsprosenten er fordelt på tre personar, men nå har styraren sagt opp sin stillinga og ein annan skal ut i permisjon. Då er det berre éin person igjen i dei tre månadane frå januar til mars.

– Derfor blir det ei mellombels nedlegging frå 1. januar, seier Lunde Skaalen.

Hausten 2021 vart Byrte barnehage opna igjen etter å ha vore stengt i fem år. Barnehagen vart då open måndag, tysdag og onsdag, og våren 2023 bestemte politikarane at dei ville auke opningstida med ytterlegare éin dag. Sidan har barnehagen vore open fire av fem dagar i veka.