Manglar ein plan: Vinje kommune må få på plass ein plan for forvalting av bever. Dette eksemplaret på tynn is på Trolletjønn er fotografert av Guro Lien.
Guro Lien
Må ha ein beverplan
Det er truleg rundt fire hundre bever i Vinje, og ein kan felle mellom førti og åtti av desse i året, meiner skogbruksrådgjevar Per Wraa. Han legg nå fram forslag til mål for beverbestanden og forskrift for beverjakt.
Måla for forvalting av beverane i Vinje er at kommunen skal ha ein levedyktig bestand som er gagn for naturmangfald, naturopplevingar og jakt og fangst. Samstundes skal ulemper for landbruksnæring og andre samfunnsinteresser haldast på eit minimum.
Ein ønskjer å halde bestanden på dagens nivå, som er estimert til kring fire hundre dyr. Det vert dermed høve til å jakte på bever samstundes med den ordinære jakttida for anna småvilt, og ein ser føre seg at det går greitt med eit uttak på mellom førti og åtti dyr (mellom ti og tjue prosent av bestanden).
Talet på bever som vert felt som skadedyr ønskjer ein å halde så lågt som råd, og også dette skal helst skje i den ordinære jakttida. Uttak av skadedyr i yngletida skal så langt det er mogeleg ikkje skje.
5 veker - 5 kr
Deretter 189 per månad
Inga binding
KJØP
