Må framleis koke vatnet. Håpar på svar i dag

Seljordingar må framleis koke drikkevatnet.

Seljord kommune sende fredag ut varsel om at drikkevatn må bli koka. Dette gjeld vatnet som kjem frå Tømmeråsen høgdebasseng. Alle abonnentane som er omfatta av kokevarselet har fått SMS frå kommunen.

Torunn Raftevold Rue, kommunalsjef for samfunnsutvikling og drift, seier til VTB måndagsmorgonen at dei framleis ventar på svar på dei siste prøvene. Ho seier prøvene blei sendt inn til analyse fredag og laurdag, og håpar på svar i dag slik at abonnentane igjen kan drikke vatnet utan å måtte koke det fyrst.