Kommunen har ikkje bustader for dei som slit med rus og psykiatri. – Vanskeleg å få til eit betre liv

Det kjem fram i budsjettdokumentet kommunedirektøren sende ut denne veka.

Kommunen har ei tid arbeidd for å finne ei aktuell tomt for såkalla robuste bustader – bustader for dei som «bur hardt» og som har utfordringar knytt til rus og psykiatri. Etter mange protestar avslutta kommunestyret arbeidet med tomta Tingstad ovanfor Sundsbarm kraftverk. Nå er temaet meir aktuelt enn på lenge. Det er per nå ikkje eigna bustader til denne gruppa, skriv kommunedirektøren.

– Det å ikkje kunne tilby eigna bustad gjer det meir utfordrande for dei som slit med rus og psykiatri, og fører til at det vert meir vanskeleg å få eit betre liv. Den seinare tida har behovet for slike bustader igjen blitt aktualisert, mellom anna etter kontakt frå politiet, skriv kommunedirektøren som ber om at 2025 blir nytta til å finne aktuell plassering.