Folkeregistrert fyresdøl smitta
Ein fyresdøl som for tida oppheld seg i ein annan kommune har testa positivt på korona.
På heimesida til Fyresdal kommune i dag blir det bekrefta at det er eitt smittetilfelle som er registrert sundag kveld.
«Fyresdal kommune blei sundag kveld informert om at ein person som er folkeregistrert i Fyresdal har testa positivt på covid-19. Vedkomande oppheld seg foreløpig i ein annan kommune og blir tatt hand om der. Smittesporingsteamet i den aktuelle kommunen kontaktar alle nærkontaktar og set desse i karantene etter Folkehelseinstituttet sine retningsliner», står det på heimesida.
