El-båtar til leige på Telemarkskanalen til sommaren
Kommande sommar kan elektriske utleigebåtar bli eit vanleg syn, både langs delar av Telemarkskysten og i Telemarkskanalen.
Firmaet Canalboats Telemark har i første omgang bestilt seks cabincruiserar i ulike storleikar, som no er under bygging i Slovenia. Båtane, som legg til kai i Porsgrunn til våren, er laga for å køyre i mange timar før dei treng å lade dersom farten går i rundt 5 knop.
Planen er å etablere ladepunkt heile vegen oppover til Dalen i Tokke, men også nedover langs kysten til Kragerø.
Artikkelen held fram under annonsen.
– For oss er det viktig at båtane går på straum. Vi vil at ein skal kunne feriere med godt samvit, seier dagleg leiar Nora Sjögren Johre til NRK.
Miljøorganisasjonen Bellona har stor sans for planane langs Telemarkskanalen.
– Dette er superkult. For mange vil nok dette bli det første møtet med ein elektrisk båt, meiner Benjamin Strandquist, seniorrådgivar innan elektrifisering i Bellona, til NRK.
(©NPK)
