Stor skogbrannfare: – Det er heilt uansvarleg å brenne bål nå
Bjørn Nordskog oppmodar alle til å overhalde bålforbodet.
– Det gjekk kaldt nedover ryggen min då eg fekk meldinga om skogbrann til morgonen i dag, seier ordførar i Kviteseid, Bjørn Nordskog.
Tidleg onsdag rykte brannvesenet ut til brann i terrenget Vesleås i Kviteseid.
Artikkelen held fram under annonsen.
Nordskog var svært overraska då han skjøna at bålbrenning truleg var årsaka til brannen.
– Det er heilt uansvarleg å brenne bål nå, seier ordføraren.
Han er glad for at det ikkje gjekk verre. I tillegg til at det er veldig tørt var det også ein liten bris i Kviteseid til morgonen i dag.
– Ein brann nå, når det er så tørt kan spreie seg utruleg fort, seier ordføraren.
Nordskog meiner kommunane i Vest-Telemark bør gå saman om ei felles oppmoding om at alle må overhalde bålforbodet.
– Snart kjem det mykje turistar også. Me ynskjer dei veldig velkomne, men dei må vere forsiktige, seier ordføraren.
Han meiner det er viktig å nå ut med informasjon om stor skogbrannfare, også til dei som besøker kommunane.
