Bjørg (47) helsar til kollegaer på POS 

Namn: Bjørg Taraldlien Hopland

Alder: 47

Bur: Fyresdal

Gjer: Sjukepleiar, sauebonde og gründer i Telemarklam

Kva er planane dine denne sommaren?

 – Me skal vere tre veker på tur i Sverige og Noreg med seglbåten vår. 

Har du eit sommarminne du vil dele?

 – Eg hugsar alle somrane frå eg var lita som fine. Cecilie Haugen og eg bada i Vassmålarhylen, ein badeplass ved elva på eigedomen, heile sommaren.

Kven gjorde sist noko for deg som du sette pris på?

– Gunhild Momrak stiller opp og gjer ting for oss rett som det er, – det set me veldig pris på! Elles er eg veldig glad for at mannen Kim og sønene Sondre og Kristian har måla huset i sommar. 

Kva opptek deg i lokalmiljøet?


– Det er viktig å ha ei levande bygd. Eg håpar på spanande næringsverksemd som kan bidra til ny giv.

Kvar i Vest-Telemark vil du helst vera ein fin sommardag?

– Ein fin sommardag kan brukast på ein av hylene i Hegglandsgrend. 

Kva ville du ha vist til nokon som kom til Vest-Telemark for fyrste gong?

– Det må nok vera Tretoppvegen i Fyresdal. 

Nokon du vil sende ei sommarhelsing til?

– Eg sender ei helsing til alle kollegaer på pleie- og omsorgssenteret i Fyresdal. God Sommar!