Ber folk skjerpe seg. – Bikkja har ikkje ferie frå bandtvangen

– Eg ser nesten dagleg at folk går med laus bikkje. Det er viktig å informere om kva konsekvensane kan vere.

Olav Brauti er sauebonde i Kviteseid. Han er frustrert og oppgjeven over at folk ikkje fylgjer bandtvangen.

Hundar som jagar husdyr, tamrein eller vilt, kan gjere skade sjølv om dei ikkje bit. Jaging kan føre til utmatting og heteslag for dyret som blir jaga. Somme dyr spring på sjøen eller utfor bratte skrentar. Når beitedyr blir jaga kan det også risikere at avkommet kjem bort frå mora si.