Årets dyraste straum-time i Sør-Noreg torsdag
Den sørlege delen av landet får torsdag ein timepris på straum som passerer 3 kroner/kWh. Dette er den dyraste timen Sør-Noreg har hatt så langt i år.
Mellom klokka 17 og 18 passerer straumprisen i den sørlege delen av landet 304 øre/kWh, skriv Europower.
Heilt i nord hoppar prisen opp 100 prosent. I prisområdet Trondheim (NO3) aukar prisen med 80 prosent.
Artikkelen held fram under annonsen.
Straumprisen i dei nordlege prisområda passerer 1 krone/kWh i fire timar i morgon. På sitt høgaste er prisen på 110 øre/kWh.
Alle prisområda i sør får ein månadspris i november på over 1 krone/kWh. Dei nordlege prisområda hadde dagar i løpet av månaden der prisen var høgare enn prisen i sør. Dei endar likevel opp med ein mykje lågare månadspris.
Dersom straumstøtta framleis hadde vore månadsbasert, hadde ikkje dei nordlege prisområda fått noko straumstøtte. I september vart det likevel innført timebasert straumstøtte. Det betyr at straumkundar i heile landet vil få utbetalt straumstøtte for november.
(©NPK)
