1.065 nye koronasmitta registrert siste døgn – eitt i Vest-Telemark

Det siste døgnet er det registrert 1.065 koronasmitta i Noreg. Det er 158 fleire enn same dag førre veke.

I Telemark var det totalt ni tilfelle siste døgn – eitt av dei i Nissedal kommune, skriv Varden.

Dei siste sju dagane er det i snitt registrert 1.460 koronasmitta per dag. Tilsvarande snitt for sju dagar sidan låg på 1.173, så trenden er stigande.

Fredag var 88 koronapasientar innlagde på sjukehus. Det var éin færre enn dagen før.

26 av pasientane ligg på intensivavdeling, og blant dei er 13 på respirator. Det er éin fleire på intensiv og like mange på respirator som dagen før, ifølgje Helsedirektoratets oversikt.

Ved midnatt natt til måndag var det utført 7,2 millionar koronatestar her i landet sidan februar i fjor.

I alt har 167.265 personar testa positivt.

Til no har 3.897.735 personar fått første dose av koronavaksinen, og 3.244.577 personar har fått andre dose.

Til saman er 822 koronasmitta personar døde i Noreg sidan mars 2020, viser førebelse tal. Om pasientane har døydd av eller med covid-19, er ikkje alltid mogleg å slå fast.

58,4 prosent av alle døde har fylt 80 år. I aldersgruppa under 50 år er det meldt om 18 dødsfall i Noreg.

Vaksinestatus frå statsforvaltaren i Vestfold og Telemark viser elles at 68,7 prosent av innbyggjarane i Kviteseid no er vaksinerte med to dosar.

(©NPK)