Styret i mållaget fekk fornya tillit

Årsmøtet i Telemark mållag gav i helga fornya tillit til heile styret. Sigbjørn Hjelmbrekke (Bø) er leiar. Torunn Raftevold Rue (Seljord) og Sigrid Bø (Bø) tok attval til styret. Åsmund Høgetveit (Seljord) og Sigrun Garvik Moen (Kviteseid) stod ikkje på val. Som varafolk valde årsmøtet Olav Nordstoga (Vinje), Olav Tho (Hjartdal) og Einar Søreide (Kviteseid). Valnemnda var og er samansett av Olav Felland (Tokke), Harald Valle (Nissedal) og Gunhild Gardsjord (Vinje).

Landsmøtet i Noregs mållag skal neste år vera i Vinje. Landsmøtestaden er valt som del av markeringa av 200-årsdagen til Aasmund Olavsson Vinje. Vinje vert feira gjennom mange markeringar gjennom 2018.