Mathisen nummer 13 på femmila

Runar Skaug Mathisen gjekk inn til ein knallsterk 13. plass på femmila i NM i Alta laurdag.

I mål var vinbyggjen 4 minuttar og 25 sekundar bak Sjur Røthe som vann femmila i NM. Hans Christer Holund blei nummer to. 

– Det er heilt enormt. Langt bak som junior og ung senior. Aldri sett på som eit talent. Men har alltid hatt lyst til å bli god på ski, og då kjem du langt, kommenterer Team Telemark-trenar Jostein Vinjerui på Twitter etter løpet.