Her er det nye fylkesvåpenet vårt

Vikingskip og rosemåling skal representere fylket Vestfold og Telemark.

Ei nokså samstemt fellesnemnd valte i dag nytt fylkesvåpen for Vestfold og Telemark fylke. 

Viss fylkestinga i dagens to fylke er einige i tilrådinga når dei skal behandle saka i desember, blir det Klåstadskipet og rosemåling som skal representere Vestfold og Telemark fylkeskommune frå 2020.

Blant 250 innsendte forslag frå innbyggjarane var det til slutt tre alternativ fellesnemnda kunne stemme på i dag.

I tillegg til Klåstadskipet var det ei bølgje med akantus og ei løve med sigerfane.

I tråd med kommuneloven er det fylkestinga som har siste ord i saka. Fylkestinget i Telemark behandlar saka 5. og 6. desember, medan fylkestinget i Vestfold behandlar saka 13. desember.