Utvida samarbeid skal gje lokale bankar styrka posisjon. – Ikkje eit konsern som tek avgjerder over hovudet

Samanslutninga skjer ved at sparebank-nettverka DSS og Lokalbank Alliansen slår seg saman, og omfattar 16 sparebankar med 250 000 kundar og 625 tilsette fordelt på 57 kontor.

– Einingar som står heilt åleine i dagens marknad vil fort få for høge kostnader. Det nye samarbeidet er eit alternativ for dei bankane som vil behalde uavhengigheita og nærleiken til lokalmiljøet, og samstundes nyte godt av fordelane som dei store bankane har. Den nye samarbeidsorganisasjonen skal vere eit servicesenter som støttar, ikkje eit konsern som tek avgjerder over hovudet på dei., seier Ben Roger Elvenes, administrerande banksjef i Sparebanken DIN Telemark i ei pressemelding.

Samarbeidet reduserer kostnadane samanlikna med store nasjonale alliansar, og styrkar bankane si evne til å støtte kundane og lokalsamfunnet.