Slik gjekk det i kokkekunst-NM

Christoffer G. Fallet frå Flatdal blei nummer sju og Matilde Hagen-Nielsen frå Seljord nummer ni i NM i kokkekunst.

Håvard Onsøyen og medhjelpar Josefine Arnesen fekk kongepokalen torsdag. Dei fekk poengsummen 1516. Fallet fekk 1347 og Hagen-Nielsen 1229.

NM i kokkekunst blei arrangert for 32. gong. Kjendiskokk Bent Stiansen vann kongepokalen for fyrste gong i 1990. Arrangementet skal engasjere og motivere kokkar frå heile landet til å delta i konkurransar med høgt fagleg nivå, melder Norsk Kokkers Landsforening i ei pressemelding.