Underverda i Seljord - Kva skjer?

 Som den tidlegare eigaren av Lakshøl Bruk langs E134 mot Flatdal har eg har hatt den tvilsame æra å disponere ei av dei største tome, gamle bygningsmassene i kommunen. Det gjekk ikkje i lengda. Det var ubodne gjester både her og der med ruteknusing og pælming av gamle ting ut i hølen ved Lakshølfossen. Til slutt var kommunen så greie å overta inkl ansvaret for det heile på åtti-talet. Unnanteke var eit trelastlager med eit lite kontor. Det bruka eg til å lagre ting som var til overs frå alle flyttingane mine landet rundt; ting som ungane hadde vokse frå og slitent inventar. Alt dette hadde stor affeksjonsverdi for oss, men svært liten verdi for andre. Ein gong for nokre tiår sidan, då eg dreiv med sjaue inn ting, sto Bjørgulv Bjørge i døra. Har farta jo rundt omkring i bygda på sykkel på den tida, dukka opp her og der og prata med alle. Ja, sa eg, men det har ingen verdi for andre. Det er det ikkje alle som skjønnar, sa han. Det skulle gå mange år før han fekk rett. Det einaste som skjedde i mellomtida var ei knust spegelglassrute. Da fekk lensmannbetjenten has på gutane som hadde gjort det, og dei gjorde opp for seg. Han kjende tydelegvis ungdomsmiljøet.