Spørsmål til ordførar Draugedal: Når er det naturleg at private overtek ansvaret for vegvedlikehaldet?

I mange bygder skaper spørsmålet om privatisering av kommunale vegar mykje konflikt og frustrasjon. Mange opplever at vegane blir overført til private utan klare kriterium, og at det kan verke tilfeldig kven som får behalde kommunal veg og kven som må ta ansvaret sjølve. Vi undrar oss også over om kommunen faktisk sparer så mykje pengar på dette, sett opp mot den auka belastninga på innbyggarane som må ta over kostnadane og ansvaret.

Eit døme er Hassvikvegen, som i si tid var fylkesveg, deretter kommunal veg – og no står føre privatisering. Dette er ein veg som framleis har stor allmenn nytte:

• Turistbåtar som Viktoria og Henrik Ibsen legg til ved Fjågesund brygge, og turistane bruker denne vegen.
• Vegen går også til Fjågesund kyrkje, som er i bruk til gudstenester, dåp, vigslar, gravferder og konsertar