Eg har akkurat kome heim frå folkemøte med energiminister Terje Lien Aasland i Fyresdal. I eit godt framført innlegg fekk me fortalt at me kan kome til å ha behov for 56 TWh ny kraft innan 2040. At me treng meir kraft er eit mantra han har framført heile tida sidan han blei energiminister. Den nye energien skal kome frå vasskraft, solenergi og vindmøller. Kva vil så dette koste i tapt natur og biologisk mangfald? Dette kom ikkje Aasland så mykje inn på, men ifølgje han kan mykje av naturen ikkje karakteriserast som urørt. Så da er det ikkje så farleg om ein tek i bruk ein del vanleg natur til vindmøller, for det har jo ofte vore skogsdrift der?
