Forvirra fyresdøl om datasenter

Når eg no sit på utsida og bare får informasjon om kva som skjer med datasenteret i Fyresdal gjennom VTB, blir eg meir og meir forvirra. No skal det seiast at den tida eg sat i kommunestyret, blei eg ikkje så mykje klokare då heller, for den mykje omtala avtala om datasenter, blei aldri presentert for kommunestyret i forrige periode heller.

No les eg i VTB om dette med arealet som datasenteret skal byggjast på, 160 dekar. Då undrar eg meg, kven eig eigenteleg dette arealet? Erik Skjervagen har opplyst til VTB at Myldr Energipark har kjøpt arealet av kommunen for 50 kr per kvadrat. Har dei verkeleg det? Har dei betalt kommunen 8 mill for dette arealet? Kvar har Myldr fått dei pengane frå? Forvirringa blir endå større når det står i artikkelen at Norsk Data eigentleg eig dette, dei har i alle fall opsjon på å kjøpe det, men dei har heller ikkje betalt arealet endå. Norsk Data kan likevel selje dette vidare til sin kunde EdgeConneX.

Dersom vi då oppsummerar så langt, verkar det for meg som dette arealet aldri er betalt for, samt at kommunen har fråsagt seg kontrollen over kva endeleg pris på dette arealet blir til Myldr, når Norsk Data utløyser opsjonen dei har om vidaresalg til EdgeConneX.