Birger Nygård til minne

Det var trist å høyre at Birger er død. Eg hadde gleda av å samarbeide tett med han på 1990-talet. Han var ein markert ordførar, men samstundes veldig folkeleg.

I hans tid vart det løyst store oppgåver i Tokke og Vest-Telemark. Her kan nemnast restaureringa av Hotell Dalen og satsinga på Telemarkskanalen som reiselivsprodukt. Dette er no nasjonale og internasjonale attraksjonar.

Birger var oppteken av å sikre sentrale kraftrettar m.a vart Særavtala for Tokke-Vinje fornya i hans tid.

Han var òg oppteken av arbeidsplassar, tilrettelegging for næringslivet og nyetableringar.

Alt dette i tillegg til å levere og utvikle gode tenester til innbyggjarane.

Birger og Sigrid var veldig gjestmilde og saman med Gro hadde vi mange trivelege samkomer.

Våre varme tankar går til Sigrid og resten av familien.

Rune Lødøen