Vil ha med seg lokal røyst på scena laurdag. – Det må gjerne vera amatørar
Sie Gubba spelar på Dalsmarken laurdag, og håpar å få med ei lokal kvinnerøyst på duetten Så kom du.
Bandet har som tradisjon å etterlyse ei lokal jente for å vera med på songen når dei er rundt om på spelejobb. Magne Almås, gitarist i Sie Gubba, fortel at det plagar å vera eit populært innslag, og at dei førre veke hadde 7 000 med på allsong på Så kom du.
Føremålet med duetten er å lyfte fram lokale artistspirer, ved å gje dei ei plattform.
Artikkelen held fram under annonsen.
– Me vil ha med vanlege folk. Det må gjerne vera amatørar, me vil få fram nye talent, seier Almås.
– Det er på eit vis eit slags omreisande Norske Talenter, humrar han.
Bandet likar seg godt i Telemark, og har tidlegare spela på Countryfestivalen.
Om ein ynskjer å vera med på duetten, kan ein ta kontakt direkte med bandet på Facebook, Instagram eller Snapchat, opplyser Almås.
