Siri (38) bar lenge på ein draum om å bli diakon, men det skulle ta 14 år før draumen blei oppfylt

Siri er opphavleg utdanna sjukepleiar og starta diakonutdanninga hausten 2010. Vegen til diakon har av ymse årsaker vore lang, men Siri gler seg til å ta fatt på gjerninga.

– Eg gler meg stort til å byrje på arbeidet som diakon. Det er ei mangfaldig stilling og der eg er både ute og pratar med folk i «felten» og skal drive på med ulike prosjekt – som å inspirere andre diakonar, spreie kunnskap om arbeidet diakonen gjer, og gje diakonane fagleg påfyll, seier Siri.

Vigslinga som diakon gjekk føre seg i Nenset kyrkje i Skien den 17. mars. Skien er også kommunen ho vil arbeide i. Når ein blir vigsla til diakon så lovar ein å arbeide for dei fire grunnpilarane; nestekjærleik, inkluderande fellesskap, kamp for rettferd og vern om skaparverket.