17. mai-stemning: Då skulehuset vart køyrd ned gjennom bygda var det reine 17. mai-stemninga i bygda. Folk følgde med ned til den nye tomta, og det vart feira med kake. Slik var det også på opninga – bygda hadde samla seg, det mangla ikkje kake, og Flatdal skulemusikk sytte for fleire flotte marsjar.
Åshild Emma Solbjør
Opna eit nytt kapittel i historia til skulehuset: – Det er eit under
Ei nyspunnen raud ullsnor frå telespinn heng i ein boge framom den velbrukte døra på skulehuset i Svartdal. – Eg gjekk inn denne døra som 1.-klassing for 65 år sidan, og eg kan bekrefte at skulerommet her inne ser ut akkurat som det gjorde den gongen, seier Olav Haugsvold.
Han snur seg og løftar saka, og Flatdal skulemusikk syter for ei flott fanfare idet ullsnora snittast i to og offisielt opnar eit nytt kapittel i historia om skulehuset i Svartdal.
Skuggane frå granskogen har krope fram til publikum på plassen kring skulehuset, men jubelen og applausen deira ljomar ut over dei solfylte gardane som ligg oppover langs Blikavegen.
For skulehuset i Svartdal har fått ny adresse. Før låg det på Bakkemoen; no ligg det i Blikavegen 2, på ei tomt grendelaget fekk av Sigmund Blika. Her er det midt i smørauget; omgitt av verna kulturlandskap, rett attmed «Sogevegen om Nutheim».
5 veker - 5 kr
Deretter 189 per månad
Inga binding
KJØP
