Ny prestestilling blir ståande ledig

Som Vest-Telemark blad melde i august i fjor, skulle stillinga som sokneprest i Nissedal bli ståande ledig eitt år fordi prostiet måtte kutte eitt årsverk. Ny prest skal på plass i Nissedal til sommaren, men deretter er det seljordingane som må vera prestelause ei tid. Vel, heilt prestelause blir dei nok ikkje. Prost i Øvre Telemark prosti, Asgeir Sele, fortel at det kjem til å bli ei løysing med at ein av dei andre prestane i prostiet skal vikariere. Øvre Telemark prosti omfattar Tinn, Seljord, Midt-Telemark, Notodden, Nome, Nissedal, Kviteseid, Hjartdal, Fyresdal, Tokke og Vinje. Han fortel også at det er sokneprest i Tokke, Hallvard Nordbø Jørgensen, som no vikarierer i Nissedal.

Ingen fastprest i Seljord frå sommaren

Prosten opplyser at sokneprest i Seljord, Dag Harald Undheim fyller 70 år til sommaren og går av for aldersgrensa. Då blir Seljord utan fast sokneprest til å ta seg av gudstenester og kyrkjelege handlingar som dåp, konfirmasjon, gravferder og vigslar.