Markerte startskotet for friluftslivets år

Dette var startskotet for Friluftslivets år, og rundt om i Noreg var me mange som samlast rundt bålet denne dagen. I Seljord var me rundt tredve barn, unge og vaksne der oppe i lia mellom dei fine fjella som omkransar bygda vår.

Karane samarbeidde om å sette opp den nye fine gamma til turlaget, med vedovn og det heile. Denne blir ståande her ei stund, og kan fritt brukast til dagsbesøk eller overnatting.

Henriette Hack frå DNT-kontoret i Skien hadde med natursti med fine premiar. Nokre tok seg ein tur i skiløypene med ski eller akebrett, og dei som ville kunne prøve snørekøyring med trekkhund.