Lokale musikarar fylte festsalen. – Denne bygda har så mange flinke folk

– Denne bygda har jo så mange flinke folk, både til å synge og spele, seier Ann Helen Sjøkvist.

Ho er ein av initiativtakarane til jolekonserten i Edland.

Det heile starta på ein konsert med kulturskulen i 2022, fortel ho. Då vart fire av mødrene sittande å snakke om at festsalen kunne trenge ei oppgradering. Det enda med ein søknad til Sparebankstiftelsen. Dei fekk 480.000 til nytt lyd- og lysanlegg, sceneteppe og gardiner. Og då dette var på plass i fjor fann dei ut at det måtte feirast med ein konsert før jol.