I fjor starta skulen eiga country-line. Nå inviterer elevane til konsert med høg stemning og fengande speleliste

Seljord folkehøgskule vil vise fram skulen sin neste fredag. Dagen blir avslutta med konsert med countryelevane.

Folkehøgskulen starta i 2023 opp Noregs fyrste og einaste countrylinje. Elevane på linja har så langt hatt eit fullspekka folkehøgskuleår, med mange konsertar og turnear. På studietur til Nashville spela dei inn musikk i eit av verdas leiande studio for countrymusikk, der artistar som Brad Paisley og The Steeldrivers jobbar, opplyser Roar Bøye ved Seljord folkehøgskule i ei pressemelding.

Fredag 15. mars er det duka for årets største konsert, og Seljord folkehøgskule inviterer til konsert med årets country-musikkproduksjon og turné. Bøye lovar høg stemning og fengande speleliste.

Open dag

Seljord folkehøgskule har fag innan handverk, utefag, ekstremsport og musiske fag. I tillegg tilbyr skulen relevante studieturar. Eksempelvis har skulens multisportelevar vore på backpacking i Asia, ekstremsportelevar på hiking i Colombia og musikalelevar på Broadway. Country-elevar har vore i Nashville, og til og med spelt inn ein fengande låt i eit av byen sine legendariske lydstudio. Det er ingen grunn til å tvile på at majoriteten av skulens elevar er svært fornøgde med sitt skuleval.

Fredag 15. mars inviterer skulen til open dag der ungdom kan få svar på mange av spørsmåla sine om å gå på folkehøgskule. Alle elevane på vidaregåande skular i Telemark, Buskerud og Vestfold er inviterte.

Det blir omvising på skulen og ein får sjå kva elevane lagar på ei Vikinglinje, korleis ekstremsportelevar førebur ein flytur, eller korleis musikkelevar førebur ei framsyning.

På den opne dagen kjem også Samuel Massie, kjend frå Berserk-ekspedisjonen og TV-program som «Skal vi danse». Han skal dele sine erfaringar med å gå på folkehøgskule.