annonse

Her kan du sjå fleire bilde frå Dyrsku'n

Livets fyrste Dyrsku
Livets fyrste Dyrsku: Axlunn Hommo (1) frå Øyfjell har funne noko av det han likar aller best. Nemleg ein traktor. Axlunn synest det er veldig svært med traktor og geit, då må Dyrsku’n vere ein super plass å vere. (Foto: Kari Smeland)
Søt kanin
Søt kanin: Ein kan bli litt sliten av lange dagar på Dyrsku'n. Då kan det vere godt å ta seg ein liten lur. (Foto: Kari Smeland)
Ferskpressa eplejuice til alle som vil ha
Ferskpressa eplejuice til alle som vil ha: Rundt ei fruktpresse sit ein flokk ivrige ungdommar. Dei tek eple frå eit stort trau, delar dei i bitar og har i fruktpressa. Ut kjem fersk og smakfull eplejuice. – Vil du ha, spør dei og deler raust ut koppar med smaksprøver. Det er 4H i Telemark som har standen, og dei ulike 4H-laga kan melde seg på for å ta ein dugnadsvakt og stå på stand. Nå er det Rjupa 4H, 4H-laget frå Øyfjell, sin tur. – Me kuttar opp eple, kvernar dei og pressar det, og så gjer me det bort gratis. Eg trur folk likar å sjå på at me pressar, fortel Ingbjørg Skolås frå Øyfjell. Jostein Haugen Hyttedalen (t.v.), Anker Skolås, Såmund Rorge-Tjønn, Eirin Haugen Hyttedalen og Ingbjørg Skolås frå Rjupa 4H i Øyfjell. (Foto: Kari Smeland)
Tidsreise
Tidsreise: Vikinggruppa Olavs menn har medlem frå heile landet, men dei fleste kjem frå Telemark. I helga var dei på plass i Seljord. Med hyl, latter og musikk frå tivoliet i bakgrunnen kunne små og store ta eit steg tilbake til vikingtida for nokre augneblikk, og prøve seg på runerissing, å fekte med gummisverd eller skyte med pil og boge. – Det er veldig populært. Mange, både mødrer og barn, seier at dette er det mest morosame på Dyrsku’n, fortel merkesmann i Olavs menn, Anders Kvåle Rue frå Flatdal. (Foto: Kari Smeland)
På kjepphesten
På kjepphesten: Ridegruppa i Seljord arrangerte riding på levande hestar, men hadde også ein populær kjepphestkonkurranse. Her er Kristine Kveven Sørensen frå Kviteseid i full fart. (Foto: Kari Smeland)
Unge og erfarne geitemønstrarar
Unge og erfarne geitemønstrarar: Edvard Eilertsen frå Fredrikstad og Jon Hauge frå Arabygdi er berre 11 og 14 år gamle, men alt erfarne geitemønstrarar. Geita Edvard skal mønstre har litt av ein historie, og derfor også eit mektig namn, nemleg Jeanne d’Arc. – Eg redda ho då ho blei fødd. Det var ein til, men den var død, og ho her låg sånn, fortel Edvard og viser at Jeanne d’Arc låg feil då ho skulle kome til verda, og derfor hadde problem med å kome ut. – Så eg måtte hjelpe til og dra ho ut. Ho var bittelita, berre 1,5 kilo, men det gjekk bra. Derfor gav eg ho namnet Jeanne d’Arc, seier Edvard. Jon og Edvard fortel at ein kan lære geitene triks som high five, men at det er viktig å byrje medan dei er små. Det var ingen nervøsitet å spore hos gutane før mønstringa. – Eg har gjort dette så lenge eg kan hugse, forklara Jon med eit lite smil. (Foto: Kari Smeland)

+

Kari Smeland


Klikk for å sjå kommentarar ()

Her kan du fritt komme med synspunkt og informasjon. Me krev fullt namn. Då blir det meir interessant for andre å lese det du skriv. Trakassering, truslar, hatske meldingar eller reklame aksepterasr ikkje på vtb. Falske profilar blir utestengt. Ver sakleg og vis respekt når du kommenterar.

annonse