Nominert: Helga Flatland frå Flatdal kan vinne Bokhandlarprisen for andre gong. Foto: Vidar Ruud

Helga kan bli bokhandlarfavoritt – igjen

Forfattaren Helga Flatland er blant dei nominerte til Bokhandlarprisen 2022.

Helga Flatland vann Bokhandlarprisen for «En moderne familie» i 2017, og er altså nominert på ny. Denne gongen for boka «Etterklang».

Ho er ikkje den einaste av dei nominerte som kan bli ein gjengangar av prisvinnarar. Roy Jacobsen har fått prisen to gonger tidlegare.

Bokhandlarprisen er bokhandlaranes eigen pris og blir delt ut etter avstemming blant alle som arbeider i norsk bokhandel. Vinnarboka må vera av årets bøker og av ein norsk forfattar innanfor skjønn/generell litteratur, også barne- og ungdomsbøker. Bokhandlarprisen er ein bronsestatuett: «Takk for boken», utført av bilethoggar Nils Aas.

Bokhandlarprisen blei delt ut første gong i 1948. Då heitte den «Takk for boken» og prisen blei tildelt Sigurd Hoel. Då tradisjonen blei gjenopptatt i 1981, etter tolv års opphald, fekk den namnet «Bokhandlerprisen». I fjor gjekk prisen til Abid Raja for Min skyld – En historie om frigjøring (Cappelen Damm).

Prisen blir delt ut 22. november på Litteraturhuset i Oslo.

Nominerte

Agnes Ravatn, «Gjestene», Samlaget

Helga Flatland, «Etterklang», Aschehoug

Håkon F. Høydal, «Abida Raja: Frihetens øyeblikk», J.M. Stenersens forlag

Ingeborg Arvola, «Kniven i ilden», Cappelen Damm

Johan Høst, «En nasjon i sjakk», Vigmostad Bjørke

Lars Elling, «Fyrstene av Finntjern», Oktober

Matias Faldbakken, «Stakkar», Oktober

Nina Lykke, «Vi er ikke her for å ha det morsomt», Oktober

Roy Jacobsen, «De uverdige», Cappelen Damm

Zeshan Shakar, «De kaller meg ulven», Gyldendal