Han har vore fast inventar på festivalen dei siste 8 åra – no tek han med seg vogna og får eige campingområde
I år blir det eigen Staysman-camp på Treungenfestivalen, der det vil vera både scene og servering.
Stian «Staysman» Thorbjørnsen har i løpet av dei siste 8 åra blitt meir eller mindre fast inventar på Treungenfestivalen. 2023 føyer seg inn i rekka av år han har opptredd på festivalen, men i år får østfoldingen ei endå meir prominent rolle under arrangementet.
– I år kjem Staysman med eigen campingvogn og blir med på campfesten. Det blir eige område med Staysman-camp der det blir scene, servering og andre utsal, skriv festivalen på Facebook, som avsluttar med å love underhaldning og liv her fire festivaldagar til ende.
Artikkelen held fram under annonsen.
Staysman er i skrivande stund den siste av ei rekke artist-annonseringar festivalen har kome med. Frå før var namn som Åge Aleksandersen og sambandet, Postgirobygget, Keiino, Freddy Kalas, Vidar Villa, Chris Norman, OnklP, Sie Gubba og Björn Rosenström alt klare for festivalen.
