Av denne eikestokken skal det bli eit kunstverk

– Den nye treungenmadonnaen blir laga av ein indrefilet av eit stykke skånsk eik, som førebels er kliss rått, seier treskjerar Boni Wiik.

Det er han som har fått i oppgåve å lage ein kopi av den gamle madonnafiguren frå 1270, som i fleire hundre år stod i den gamle stavkyrkja på Tveit. I 1863 vart figuren sendt til oldsaksamlinga på universitetet i Christiania, og i 160 år har den stått i eit magasin i kjellaren på museet i Oslo. i fjor bestemte Olav Jakob Tveit seg for at han ville få den heim igjen. Og både Biskopen og Riksantikvaren har sagt ja til at figuren kan få kome inn igjen i kyrkja i Treungen.

Lagar kopi