Alle kom til topps - 1136 meter over havet
Fredag var elevane ved Brunkeberg oppvekstsenter på tur til Kviteseid sin nest høgaste topp, Ordalsåta.
– 1.-4.-klasse ved Brunkeberg oppvekstsenter gjekk tur til Ordalsåta, og alle kom opp. Det var god stemning heile turen, fortel Ingrid Asdahl, lærar ved Brunkeberg oppvekstsenter.
Spreke og positive ungar hadde ein flott dag, med turbingo på veg til toppen, og gode pausar innimellom. Løypa er i overkant av 4 kilometer lang med ein høgdeforskjell på 518 meter.
Artikkelen held fram under annonsen.
Ordalsåta ligg 1136 meter over havet, og er den nest høgaste toppen i Kviteseid kommune. Den fyrste kilometeren av løypa er langs ein traktorveg opp til Grønli. Vidare går turen langs myrar, fjell og stiar. Ved varden på toppen har ein kjempefin utsikt.
