Fekk konsesjon til slutt. – Me gler oss veldig til å flytte
Mai Kersten og Knut Gunnarsli ser fram til å flytte til Vinje neste år. Tysdag gav kommunestyret i Vinje ekteparet konsesjon på garden Vest-Førnes og Galar.
– Ubetinga kjempeletta og kjempeglad for vedtaket. Me gler oss veldig til å flytte til Vinje, fortel Knut Gunnarsli til VTB dagen etter at det vart sett politisk punktum i saka.
– Det er utruleg godt å sleppe å ta saka til Statsforvaltaren, seier Mai Kersten.
Artikkelen held fram under annonsen.
Paret sendte eit tilleggsskriv til kommunen i forkant av handsaminga, der dei ba om å sleppe og vente på sakshandsaminga hjå Statsforvaltaren før dei kan setje i gang med arbeidet på garden.
– Me har sett alt av teikningar og søknadsprosessar på vent. Me var budde på at klaga blei avvist, seier Knut.
Dei kjem til å bruke mykje tid på garden i løpet av dei neste månadane, før dei endeleg flyttar i 2025.
– Me føler oss veldig velkomne, det har tikka inn nokre meldingar frå Vinje, fortel Knut.
