Over 3000 kom på haustfest. – Tyder på rekordomsetning

Med heile 80 utstillarar og over 3000 besøkande, var det folksamt på Rauland denne laurdagen. Turistsjef i Rauland, Torben Andersen uttrykker stor glede over suksessen.

– Det er fantastisk å sjå så mange glade ansikt, både blant besøkande og utstillarar. Mange av utstillarane har vore her fleire gonger, og tilbakemeldingane i dag tyder på rekordomsetning, seier han.

Haustfesten blir arrangert av Rauland Turist og sentrumsgruppa til Rauland turist. Utstillarane betalar ingenting for å stå der, og turistsjefen understrekar at dei ikkje arrangerer dette for å tene pengar, men for å skape verdi for både dei som sel noko og for dei som er på besøk her.