annonse

Brus nok til heile bygda

Trailer av vegen
Trailer av vegen: Måndag kveld køyrde ein trailer frå Fyresdal av vegen i Evjo. Med seg hadde den 22 tonn med brus og vatn. (Foto: Cathrine Strandkås)
Vanskeleg arbeid
Vanskeleg arbeid: Det tok lang tid å få vogntoget opp frå grøfta. (Foto: Cathrine Strandkås)
Glatt føre
Glatt føre: Det har vore glatt mange stader i Vest-Telemark den seinaste tida. (Foto: Cathrine Strandkås)

Berging av eit vogntog frå Fyresdal med 22 tonn brus og vatn køyrde av fylkesveg 304 ved Evjo. Det resulterer i at vegen blir stengt i periodar tysdag.

  • Magnus Helle

Politiet i Sør-Aust meldte på Twitter at eit vogntog køyrde av fylkesveg 304 ved Evjo måndag kveld. Tysdag kan vegen til Fjågesund bli stengt i periodar på inntil to timar av gongen på grunn av berging.

– Arbeidet tar noko tid, og kan vare fram til i morgon, melder politiet. 

Vogntoget frå Fyresdal som inneheldt 22 tonn med brus og vatn køyrde av vegen ved Evjo. Sjåføren kom uskada frå ulykka, og blei køyrd til Vrådal hotell for overnatting. Vinterføre har gjort at det har vore mange trafikkulykker den siste tida, og politiet har på twitter oppmoda til å køyre forsiktig. 

Klikk for å sjå kommentarar ()

Her kan du fritt komme med synspunkt og informasjon. Me krev fullt namn. Då blir det meir interessant for andre å lese det du skriv. Trakassering, truslar, hatske meldingar eller reklame aksepterasr ikkje på vtb. Falske profilar blir utestengt. Ver sakleg og vis respekt når du kommenterar.