Tok den kinoaktuelle barneboka til teaterscenen
Laurdag kveld hadde teatergruppa i Vinje premiere på «Klatremus og de andre dyrene i Hakkebakkeskogen» på Vinjehuset. Og det var ikkje eitt ledig sete i festsalen.
Teaterbarna ved kulturskulen i Vinje har arbeidd med framsyninga sidan september i fjor. Kvar veke har dei øva i om lag to timar, og dei var veldig spente før sceneteppet gjekk opp laurdag kveld.
Salen var fylt til randen av spente tilskodarar, og i meir enn tre kvarter underheldt Morten Skogmus, Klatremus, Mikkel Rev, Bakerguten, Bakermester Harepus, Kråka og resten av gjengen med morosam dialog og fin song.
Artikkelen held fram under annonsen.
Skodespelarane involverte publikum fleire gonger, og fekk ivrige svar frå dei minste tilskodarane.
Etter at siste strofe var sunge og dei unge aktørane hadde forsvunne bak scenen, kunne kulturskulerektor Anders Blystad melde om ein fornøgd gjeng.
– Barna var veldig fornøgde og stolte! Me hadde nokre øvingar i forkant som ikkje gjekk heilt bra, men dei skjerpa seg utruleg mykje til premiera, seier kulturskulerektoren.