17/5-2012
Utgjevingar:
Vest-Telemark blad
Postboks 33
3836 Kviteseid
Tlf. 35 06 88 00
Faks 35 05 31 71
SMS/MMS: Kodeord VTB til 1963
E-postadresser:
redaksjon@vtb.no
annonse@vtb.no
Tysdag, torsdag og laurdag
Den siste visitasen
 Gjev seg: I mai blir Olav Skjevesland pensjonist. Den siste bispevisitasen blei lagt til Vinje og Nesland sokn, og blei avslutta i Grunge kyrkje sundag. |
Sidan 1998 har Olav Skjevesland frå Drøbak vore den øvste leiaren av Agder og Telemark bispedømme. I mai fyller Skjevesland 70 år og gjev seg då som biskop i bispedømet som omfattar 12 prosti, 67 prestegjeld og 147 kyrkjelydar.
Frå torsdag til sundag var han på sin siste bispevisitas. Det var Vinje og Nesland sokn som hadde æra av å få besøk av biskopen. Skjevesland fekk med seg både skule- og bedriftsbesøk, skulegudsteneste, konsertar og verdiseminar, før det heile blei avslutta med visitasgudsteneste med føredrag i ei nesten fullsett Grunge kyrkje sundag.
Gode samtaler
Det er tredje gong biskopen vitjar kommunen på bispevisitas. I Grunge kyrkje sundag takka han for fine dagar.
– Det har vore gode møte og gode samtaler. Bygdene i Vinje er rike på kyrkjeliv, kultur og lokalsamfunn. Det er ein levande kulturkommune, sa Skjevesland til kyrkjelyden.
I oppsummeringa av visitasen trekte biskopen fram fem utfordringar for kyrkja. Den viktigaste er trusopplæringa som heimane og kyrkjelydane no har hovudansvaret for. Å nå hytteinnbyggjarane og gudstenestereforma, var også punkt biskopen trekte fram. Dei siste punkta handla om at det bør bli arbeidd vidare med å få til eit gudstenesterom i Åmot og betre tilgangen til Vinje kyrkje.
Biskopen konstaterte elles at det er eit godt samarbeid mellom kommunen og kyrkja i Vinje.
I Grunge kyrkje bidrog også Nils Ole Lien, Tria-jentene og Ulveungane til ein triveleg avslutning på biskopens siste visitas.
Artikkelen er publisert 31/01-2012
Aktuelle saker:
Trur Vrådal brygge blir ei perle
Seier det med rundballar
– Lyntog vil skape paradigmeskifte
Midtpunkt i TV-serie
– Lyntog løner seg
Den heimvendte pedagogen
Ein livsstil – ikkje eit vanleg yrke
Nakne flaggstenger
Frøken president
