23/2-2012
Utgjevingar:
Vest-Telemark blad
Postboks 33
3836 Kviteseid
Tlf. 35 06 88 00
Faks 35 05 31 71
SMS/MMS: Kodeord VTB til 1963
E-postadresser:
redaksjon@vtb.no
annonse@vtb.no
Tysdag, torsdag og laurdag
Mange debuterte i skiskyting
 Startar Tor Gunnar Austjord, leiar i Fyresdal skiskyttarlag, kunne gle seg over mange debutantar på Veum sundag, mellom anna Johanna Eidissen (t.h.), Ragnhild Hovda og Margrete Hovda. Nummer 10 er fyresdølen Tor Tovslid Bratsberg. |
Normalrennet på Veum i Fyresdal i helga var både krinsrenn for Telemark og Vestfold og renn i Statkraft-cup. 80 skiskyttarar frå 8 klubbar deltok. Blant dei kom elleve utøvarar frå idrettslaget Dyre Vaa.
– Veldig triveleg at det kom så mange frå Rauland, seier Tor Gunnar Austjord, leiar i Fyresdal skiskyttarlag (FSSL).
Han kunne i tillegg gle seg over sju debutantar frå eigen klubb som totalt har 22 aktive utøvarar.
Fornøgde
På minusføre gjekk det unna i løypa for mellom anna fyresdølen Per Hansen Austjord. Han gjekk rett og slett styggfort.
– Eg føler meg i form og er kjempefornøgd med sju treff, seier han til VTB rett etter målpassering.
God skyting blei det også på klubbkamerat Leon Wraa.
– Eg er fornøgd. Det gjekk bra i løypa også, men det var tungt, seier ungguten.
Ingrid Loftsgarden frå Dyre Vaa syntest også det var tungt å gå, og litt kaldt.
– Eg hadde god glid og er godt fornøgd med skiløpet. Og eg er veldig fornøgd med 3 treff på båe skytingane, seier ho, klar for Austlandsmeisterskapen på Beitostølen til helga.
Fulle hus
Dit skal også Torjus Fossli (FSSL), og då er målet topp 10. På Veum sundag blei det åtte treff på dei to seriane.
– Det er bra nok det, og eg er sånn passe fornøgd med løpet i dag, seier han.
Ein som kunne seie seg meir enn fornøgd, var klubbkamerat Even Nordbø. Helga føre imponerte han med 1. og 2. plass i Kvalfoss-sprinten. På heimebane presterte han å skyte ned alle dei ti blinkane, og det har aldri før skjedd i den sju år lange karrieren.
– Dette var veldig moro, kjem det med eit smil.
– Forma er bra og toppforma kjem nok seinare. Eg er klar for Austlandsmeisterskapen til helga, held talentet frå Fyresdal fram.
Det var ikkje han bare han som skaut bra sundagen. Lagsleiar Austgjord kunne slå fast at det var mykje bra skyting blant dei yngste.
– Dei viste utruleg imponerande prestasjonar.
27 friviljuge var med og avvikla rennet, som gjekk knirkefritt.
– Folk stiller opp og gjer ein kjempeinnsats, og gjennomføringa var veldig bra. Det er mange operasjonar som skal fungere under eit renn, men å ha mykje folk med erfaring gjer det langt enklare, avsluttar Austjord.
Vest-Telemark pregar krinsen
For fyrste gong på mange år er det ikkje med aktive frå Tokke i Fyresdal skiskyttarlag (FSSL).
– Men eg veit at det kjem nokon frå Tokke neste år. Då vil skiskyttarlaget ha med utøvarar frå endå ein kommune, i tillegg til dei tri kommunane i dag. Kjempebra, jublar skiskyttarlagsleiar Tor Gunnar Austjord, og held døra open for fleire som har lyst til å bli med på den gjevande sporten.
Han fortel om stadig førespurnader frå unge i andre kommunar i Vest-Telemark om å få bli med i klubben.
– Det er god rekruttering, og skiskytinga har sterk vekst i regionen. Skiskytinga har blitt ein idrettsfulltreffar, og det er moro at Vest-Telemark pregar skiskyttarkrinsen såpass som me gjer.
Austjord synest det er flott at Rauland har fått eit bra treningsanlegg, og ser fram til om også Seljord får på plass eit anlegg.
Artikkelen er publisert 19/01-2012
Aktuelle saker:
Saknar barnehageplass
Sende ballen tilbake til rådmennene
Blåmann Blåmann til bensinstasjonen
Passar på i påskefjellet
Rift om snøskuterlappen
Snøkunstnarar smelta juryen
Best i landet
Siste finpuss ved brygga
Held fast på tradisjonane
