17/5-2012
Utgjevingar:
Vest-Telemark blad
Postboks 33
3836 Kviteseid
Tlf. 35 06 88 00
Faks 35 05 31 71
SMS/MMS: Kodeord VTB til 1963
E-postadresser:
redaksjon@vtb.no
annonse@vtb.no
Tysdag, torsdag og laurdag
Jolemarknad for liten–jolemarknad for stor
 På vift: Malin Gjerlid (t.h.) og Guro Bjørge kosa seg på jolemarknaden i Seljord. |
– Det er moro å danse. Eg og Malin dansa saman i dag, og det gjekk ganske bra, smilte Ingerid Vadder (8).
Det var nemleg dansarar frå Tusseleiken som innleidde årets jolemarknad på Dyrskuplassen i Seljord. Portane opna klokka tolv, og alt då var det lang kø framfor billettluka.
– Eg blei med i Tusseleiken i fjor, smilte Ingerid.
– Men det er fyrste året mitt, fortalde Malin Manheim.
Dansa på glatta
Dansarane frå Tusseleiken svinga seg på glattisen, men heldigvis var det godt strødd.
– Mm, dette var godt, sa Even Vindfjell, då han smaka på rosettbakelsen til Bodil Nordjore. Ho serverte også smaksprøver på heimlaga karamellar.
Det var svært mange aktivitetar å velje mellom for dei unge jolemarknadsdeltakarane. Andletsmaling, peparkakebaking, spikking og riding var berre nokre av dei.
– Eg veit ikkje heilt kva det blir til slutt, men eg spikkar til eg ser at det liknar på noko, smilte Theodor Robertsen Østland frå Kragerø.
Han var ein av mange som sat og spikka i andre etasje på fjoset.
På standen til Kviteseid bok og papir sat Helga Flatland og signerte bøkene sine. Ho har sett namntrekket sitt på ein del jolegåver som truleg blir å finne under mange tre i Vest-Telemark.
Set sansane i sving
– Salet har gått bra i dag. Utvalet er bra, og eg trur det finst noko for ein kvar gane i utvalet vårt, reklamerte Knut Erik Jordstøyl, som driv Vinje slakteri.
Det var tydelegvis mange som hadde seg ein sveiv innom jolemarknaden laurdag. Sjølv om snøen glimra med sitt fråvær i Seljord, var det likevel eit jolepreg over det heile. Det er rart kva lukta av peparkaker, gløgg og anna bakverk gjer med sansane.
– Me har ridd hest, og så ser me etter jolegåver å kjøpe. Så langt har me ikkje handla gåver her, men me har slett ikkje tenkt oss heim endå, seier Malin Gjerlid (10) og Guro Bjørge (8).
Malin var med og dansa tidlegare på dagen, medan Guro var heiagjeng og stod for applausen.
Dingsedangs
– Så har eg smaka på gløgg og ein sjokoladekjeksdingsedangs, fortel Malin.
– Og eg fekk kake av nokre utlendingar, legg Guro til.
– Er det noko de saknar på jolemarknaden?
– Snø, ropar dei i kor.
– Og me saknar jolemusikk. Men det er bra her likevel, me møter mange klassekameratar og veninner. Og Guro og eg er ikkje berre gode vener, me er trimenningar også. Ho søv hos meg no fordi foreldra hennar er på ferie, smiler Malin fornøgd.
Artikkelen er publisert 29/11-2011
Aktuelle saker:
Trur Vrådal brygge blir ei perle
Seier det med rundballar
– Lyntog vil skape paradigmeskifte
Midtpunkt i TV-serie
– Lyntog løner seg
Den heimvendte pedagogen
Ein livsstil – ikkje eit vanleg yrke
Nakne flaggstenger
Frøken president
