7/9-2010
Vest-Telemark Blad
Postboks 33
3836 Kviteseid
Tlf. 35 06 88 00
Faks 35 05 31 71
SMS/MMS: Kodeord VTB til 1963
E-postadresser:
redaksjon@vtb.no
annonse@vtb.no
Utgjevingar:
Tysdag, torsdag og laurdag
Stiller lokale til disposisjon
 Kjell Harald Gundersen tilbyr Tokke kommune å leige tidlegare Oftebui i Høydalsmo. |
– Me hadde mange flotte år i Høydalsmo, og det var ei flott tid og ein flott stad for borna våre å vekse opp. I alle år har me hatt veldig god kontakt med lokalmiljøet. Me dreiv bensinstasjon, forretning og overnattingsstadar i form av utleigehytter. Me leigde også ut lokale til både post og bank, seier Gundersen.
I den seinare tid har det vore mykje debatt kring lokalisering av offentlege kontor i Vest-Telemark. Både lensmannskontor og jordbrukskontor har vore oppe til diskusjon. I samband med dette har Gundersen gjeve melding til Tokke kommune om at han har lokale til leige.
– Høydalsmo ligg langs E 134 og såleis er det veldig sentralt. For meg kunne Høydalsmo blitt ei miniutgåve av Bø med forretningar og tilbod. Kommunen har vel heller gjeve uttrykk for at det aller meste skal ned til Dalen. Det er frustrerande, fortel Gundersen.
I januar sendte Gundersen ein e-post til Tokke kommune der han tilbyr kommunen lokale i samband med lokaliseringsspørsmåla kring jordbruks- og lensmannsetaten. Lokalet etter Oftebui vil etter Gundersen sitt syn vere ypparleg til slikt bruk. Han meiner også det er viktig at kommunen er på offensiven i samband med å byggje opp etatar.
– Det er viktig å tenkje arbeidsplassar også i framtida, meiner Gundersen.
– Me set pris på at folk tek kontakt og gjer oss klar over at dei har lokale til utleige. Slik stoda er i dag er ikkje jordbruksetaten på jakt etter lokale. Det er heller ikkje noko konkret i høve til lokalisering av lensmannskontor. Den dagen me har noko konkret vil me kontakte aktuelle utleigarar, kommenterar ordførar Olav Urbø i Tokke.
Artikkelen er publisert 02/03-2010
Aktuelle saker:
Aktiv helg
– Observatørrolla var eit spel for galleriet
– Tidenes mål på Åmot stadion
Sterke kulturkommunar
Omdømefokus i debatt om skulen
85.000 til vintermarknadsføring
Heskjeleg moro med hesjing
Presenterte framtidas sentrumsplan
Skieventyret selt til VTM for 1,8 millionar