Sjetteklassingane Elin Skimmeland, Heidi Anundskås, Håkon Sinnes, Sebastian Solheim, Aleksander Småbrekke, Ingrid Karine Olsen, Rosa Grøstad Johnson, Emilie Hartveit, Hannah Taraldlien, Lorenc Sadrijaj, Even Rykkelid, Sivert Rorgemoen, Robin Solli, Linus Solli, Timian Hellstrand, Jayn’a Mafoud, Madelen Knudsen-Brekke, Olav Felland og Trym Andreas Skjellaug gler seg saman med lærarane David Johansen, Ellen Metveit, Unni Bendiksen og bibliotekmedarbeidar Elin Normann (tilfeldig rekkefylgje) til årets lesekampanje.
Sjetteklassingane Elin Skimmeland, Heidi Anundskås, Håkon Sinnes, Sebastian Solheim, Aleksander Småbrekke, Ingrid Karine Olsen, Rosa Grøstad Johnson, Emilie Hartveit, Hannah Taraldlien, Lorenc Sadrijaj, Even Rykkelid, Sivert Rorgemoen, Robin Solli, Linus Solli, Timian Hellstrand, Jayn’a Mafoud, Madelen Knudsen-Brekke, Olav Felland og Trym Andreas Skjellaug gler seg saman med lærarane David Johansen, Ellen Metveit, Unni Bendiksen og bibliotekmedarbeidar Elin Normann (tilfeldig rekkefylgje) til årets lesekampanje.

Unge lesehestar

Årets sommarles-prosjekt tek til 1. juni. Då kjem skuleelevar over det meste av landet mest truleg til å intensivere boklesinga. Unge og born i Tokke blei i fjor nummer fire på lesemengde.

– Denne venda blir også eit forskingsprosjekt knytt til sommarles-aktiviteten. Tanken er å finne ut korleis prosjektet påverkar leseferdigheitene i sommarhalvåret. Til vanleg er leseaktiviteten lågare på den årstida, men erfaringane våre er at nivået blir halde eller høgda gjennom sommarmånadane. Dette skuldast ikkje minst sommarles-prosjektet, forklarer bibliotekmedarbeidar Elin Normann.

Tre månadar

Sommarles er ei digital lesekampanje for elevar frå 1. – 7. klasse som går i perioden frå 1. juni til 31. august. På heimesida til Sommarles kan ein registrere bøkene ein les, få kule premiar og lesetips. Ein kan også løyse diverse oppgåver og ein kan fylgje med på kva venene les.

Artikkelen held fram under annonsen.

– Det er mange fleire bibliotek som er med på prosjektet i år. I tillegg til bøker ein les, er det også slik at ein kan registrere lydbøker ein høyrer på. Men tynne blad som Donald Duck og liknande tel ikkje, seier Normann.

Informasjon

Alle dei aktuelle klassene i skulane i Tokke får i løpet av denne og tidleg neste veke informasjon om årets prosjekt. Då VTB var på besøk var sjetteklassingane frå Dalen på plass.

– Det kan sjå ut til at det er fleire jenter enn gutar som les, er dette rett, spør kontaktlærar Unni Bendiksen.

– Dette er reolen med dei mest populære bøkene til Sommarles-kampanjen, seier bibliotekmedarbeidar Elin Normann.
– Dette er reolen med dei mest populære bøkene til Sommarles-kampanjen, seier bibliotekmedarbeidar Elin Normann.

– Statistisk sett er det rett. Om lag 48 prosent av lesinga står gutane for på landsbasis. Men eg kan seie at i Tokke var andelen lesande gutar nokså høg, svarar Normann.

– Kva bøker las de i fjor, og kva bøker er det aktuelt å lese i årets Sommarles-prosjekt?

– Eg las mellom anna «En pingles dagbok» og «Harry Potter», svarar Olav Felland.

– «En pingles dagbok» er ein svært populær barnebokserie som inneheld mykje humor og fine illustrasjonar, legg Normann til.

Tusentals sider

Dei aller fleste var med på Sommarles i fjor også, og då var det enkelte som las fleire tusen sider.

Artikkelen held fram under annonsen.

– Eg las litt forskjellige bøker og utan at eg hugsar nøyaktig kor mange sider eg las blei det i alle fall nokre tusen, smiler Rosa Grøstad Johnson.

– Elevane i Tokke er veldig flinke til å lese, og det hadde sjølvsagt vore moro dersom me klarte å kome endå høgare enn nummer fire på resultatlista over lesne sider, seier Normann.