annonse

No har nokon skruva laus og tatt med seg bålpanna frå Høgøy

Borte
Borte: Denne bålpanna som stod på Høgøy i Vrådal er no borte. (Foto: Privat)

Bålpanna var festa med kjetting og bolta fast i fjellet. Igjen på staden låg ein skiftenykel.

Øystein Øygarden

I alt har Visit Vrådal og grunneigar Olav Øy sett ut benkar og bålpanner på Sinderholmen og på båe sidene av Høgøy. Dei fekk støtte av Arendalsvassdragets fond til trivselstiltaket, og har hatt planar om å gjera liknande på Fjukarholmen.

Men nyleg blei det oppdaga at det eine bålpanna på Høgøy var borte. Den var rett og slett skruva laus og tatt med. Dei som har gjort det let seg ikkje stoppa av at bålpanna var festa med kjetting og bolta fast i fjell. Tilbake låg ein skiftenykel.

– Eg håpar dei som har gjort det sett den tilbake, seier Tor Arne Mælen i Visit Vrådal.

– Det blir trist om me må fjerne dette tilbodet for friluftsinteresserte bygdefolk og turistar, legg han til.

Mælen seier plassane er populære. Her kan folk ta med seg grillkol og mat og ha det triveleg.

Grunneigar Olav Øy har ikkje oversikt over når tjuveriet har skjedd, men reknar med at det må ha vore i løpet av september/oktober.

– Det er dumt at det ikkje får vera i fred, seier han.

Saka er ikkje meldt til politiet.

Klikk for å sjå kommentarar ()

Her kan du fritt komme med synspunkt og informasjon. Me krev fullt namn. Då blir det meir interessant for andre å lese det du skriv. Trakassering, truslar, hatske meldingar eller reklame aksepterasr ikkje på vtb. Falske profilar blir utestengt. Ver sakleg og vis respekt når du kommenterar.