Den totale fellingskvoten på elg i Vest-Telemark i fjor var på 883, og resultatet blei 655 skotne dyr. I Telemark blei det i 2017 felt 1635 elgar av ein kvote på 2451, ifylgje Hjorteviltregisteret. (Privat foto)
Den totale fellingskvoten på elg i Vest-Telemark i fjor var på 883, og resultatet blei 655 skotne dyr. I Telemark blei det i 2017 felt 1635 elgar av ein kvote på 2451, ifylgje Hjorteviltregisteret. (Privat foto)

Auka avskyting på elg og hjort

Sist jakt blei det felt 655 elgar i Vest-Telemark, 24 fleire enn året før. Vidare blei det skote 195 hjortar, ein auke på 17 dyr frå 2016. Det datt flest elgar i Fyresdal i fjor, og Vinje toppar lista over felt hjort.

Tal henta frå Hjorteviltregisteret viser at sist haust var Fyresdal igjen kommunen i Vest-Telemark der det blei felt flest elgar, totalt 146, fem færre enn året før. Av dyra i 2017 var 41 eldre hanndyr og 25 eldre hodyr.

Flest eldre hanndyr i regionen datt det i Tokke, 43 totalt. Blant dei 118 felte dyra var det berre 12 eldre hodyr, det er det lågaste talet i Vest-Telemark. Tokke var igjen kommunen der det blei felt flest kalvar; 43 totalt eller 36,5 prosent av alle skotne elgar 2017. Det er tre mindre i kalveprosent enn året før.

Artikkelen held fram under annonsen.

Både i 2014 og 2015 var Nissedal kommunen der det blei skote færrast elgar, med Seljord på andre plass. Rollene er bytt om dei to siste åra. Det blei felt 71 elgar i Seljord sist haust, ein auke på 18 frå året før. Talet for Nissedal var 78 dyr i 2017, mot 64 førre jakt.

Berre to hjortar

Det er ikkje uvanleg at det blir skote berre éin hjort i Nissedal under jakta. Det talet har dobla seg dei to siste åra. Eldre bukk og spissbukk hamna i fryseboksen i 2017.

I 2016 blei det skote flest hjortar i Kviteseid, totalt 55 dyr. Talet sist haust blei 41. Då kom Vinje opp i 50 felte hjortar, det er meir enn det dobbelte av talet  frå 2016.

Kommune       Elgkvote 2017  Felt      Elgkvote 2016.   Felt 

Seljord              93                   71                 98              53

Kviteseid         144                 104               148             117

Nissedal           90                    78                 90              64

Fyresdal           210                 146               206            151

Artikkelen held fram under annonsen.

Tokke               144                  118               144            109

Vinje                 202                 138                207            137

Kommune       Hjortekvote 2017       Felt      Hjortekvote 2016       Felt

Seljord                     65                     32                 65                     28

Kviteseid               153                     41                154                     55

Nissedal                  15                      2                   15                       2

Fyresdal                  96                     27                  72                      21

Tokke                    172                     43                 171                      48

Artikkelen held fram under annonsen.

Vinje                     126                     50                 125                      24

Felt elg 2017   Seljord    Kviteseid        Nissedal          Fyresdal          Tokke      Vinje

Hannkalv               9          14                   10                     19                  18            13

Hokalv                   8           9                      8                     25                   25            19 

Hanndyr 1,5 år      8          17                    17                    23                   10             31

Hodyr 1,5 år        14          15                    10                    13                   10             21

Eldre Hanndyr     20          32                    19                    41                   43             37

Eldre hodyr          12          17                    13                    25                   12             17